یوخسول اینسان بازارچادا

میوه لَرَه باخدی گئتدی !

میوَه قیمتی اؤد کیمین !

 اؤره گینی یاخدی گئتدی !

ایلدیریم تَک غملَر گَلدی

 وار؛یؤخونا شاخدی گئتدی

غصّه بوکولمیش بئلینه

 قیلینجینی تاخدی گئتدی

باهالیقدان قان آغلادی

 گؤز یاشلاری آخدی گئتدی

دوغدولار دولدو دونیا
سارالیب،سولدو دونیا!
نفس چکه بیلمه ییر!
باساباس اولدو دونیا!

اینسانلاری آج گوزلو،یالانچی،دَله دیر

اوغرو کدَه،بیر خرابه،ایران بئله دیر

معلوم دئییل گونَش ،قارانلیق ...بیلیرم

بیرگون دوغاجاق بو مملکت حامله دیر !

آج قالیب بس کی اوشاق ونگ ویریر وق وق وق !
آناسی باشینا کفگیری چالیر شق شق شق!

سوء تغذیّه توتوب بو قوجامان جامعه میز!
سسلنیر دیشلری هم قیچلاری هی لق لق لق!

چالما مظلوم آدامین بارماقوویلان قاپی سین
قاپیوی چالمیا تا چکّش ایلن تق تق تق!

او کی آللّاهیمیزا ذرّه جه ایمان یوخودور
خلق ایچینده هامی یئرده جیغیریر حق حق حق

نر گویرچین دئدی ویران یووا دا ماده سینه:
«سنی چوخ ایسته ییرم باور ائله بق بق بق

باها لیق ائتدی منی لال، تشککور ائدیرم !
نه پولوم وار نه ده بیر مال تشککور ائدیرم !

«مش حسن» آروادینا جمعه یاتان واختدا دئدی:
«سَندن ای بال دوداقی بال ،تشککورائدیرم»!

دیشسیز آروادینی آلدی قوجاقا،تولکو کیشی
سؤیلَدی:«آی قوجا چاققال تشککور ائدیرم»!

اَرینه یازدی:«بیر اویناشلی قادین،یاندیر ما
منی اؤلدور، قویویا سال تشککورائدیرم»!

ئیرمی ایل درس اوخودون دکترا آلدین،سونرا
اولمیسان سنده قارا مال تشککورائدیرم !

گئتدی آمریکایا قزوینلی گلن واختا دئدی :
«دییه بیلمم آدین،از«دال»تشککور ائدیرم»!

«رمضان» گئتدی،داها گئچدی قارین سسلنمگ !
سندن ای «اوّلِ شوّال» تشککور ائدیرم !

«رجب جعفری زاویه» تا من دیریم !
سندن ای «شاعر خلخال» تشککور ائدیرم !

سن دوزلتدین هامی یانلیشلاریمی شعریمده
نوکرم من سنه،ساغ قال،تشککورائدیرم !

دوبیت زیرهم از مرحوم  استاد رجب  جعفری  زاویه :

قـارداشـیـم ،جعفریـم،عالم شعر ایچره سنی
بیـلـیـرم زیـروه ده قـارتـال،تـشـکـکـور ائـدیـرم !

شرح و بسطیله ده یؤخ ؛ بو ایکی بیتیله داداش
تـکـجـه با صوـرت اجـمـال،تـشـکـکـور ائـدیـرم !

قدیم زاماندا بیر کنددَه توی دو.

توی  گئجه سی عاشیغلار اوخویاندان سونرا،هدیه ییغیشدیرماق باشلاندی.

 هدیه ییغیشدیرن«مشه ابوالحسن» سسین باشینا آلیب جیغیرباغیرایله پول ییقیشدیریردی.

- حاجی رمضان یوزمین تومن

- حاجی حسن یئتمیش مین تومن

بورایا چاتانداندا دئدی :

آتمیش مین یوخدو.آتمیش وئر ...

اللی مین یوخدو،اللی وئر...

مجلس ساکت اولدو.

چاتدی قیرخ مینه.

داد ووروب دئدی : قیرخ مین یوخدو.قیرخ وئر!

بیردن«دلی حسن»نین اوغلو«مشه مسلم»مجلسین گوشه سیندَن آیاغاقالخیب اوجا سَسله دئدی :

بیزدَن بیر بخار چیخماز،«اؤزؤن قیرخ وئر»!!

بوسؤزوزو ائشیدنده بوتون قوناغلار گؤلمَگه باشلادیلار.

«مَشَه ابولحسن» بیر آز فیکیرله شیب «مَشَه مسلمه» اؤز دؤندؤروب دئدی :

 دئمیرم قیرخ وئر ایکی اللی وئر قارداش »!

بو سؤزو ائشیدندن سونرا مجلس  بومبا کیمین بیردَن پارتلادی

کیم دئییب، غمدن دولماز

سارالیب،اؤلوب،سولماز

سن توخسان،خبرین یوخ

آجین آندی آند اولماز

kim deiyb qəmdən dolmaz

saralıb,ölüb,solmaz. 

sən toxsan,xəbərin yox

acın andı and olmaz

جاوان؛قاری؛قۏجانی سئل آپاردی!
دَرَه؛تپّه؛اۇجانی سئل آپاردی !

چراغیلان داها آختارما انسان !
تاپیلماز آی فلانی؛سئل آپاردی !

دئدی تلویزیون:«آی آرکاداشلار !
اروپا،آمریکانی سئل آپاردی»!

دولو دۆشدۆ چؤله؛اؤز صیغه سی لَن
بیزیم شیخی؛ژیانی؛سئل آپاردی !

باهالیق سئل کیمین بیر دفعه گلدی !
الی بوش بینوانی سئل آپاردی !

منیم فریادیمی اصلا ائشیتمیر !
مگر گؤیدن خدانی سئل آپاردی؟!!

نه ایمان قالدی بیزلرده نه انصاف !
ایگید هر قهرمانی سئل آپاردی !

سۆده از بس کی سۇ قاتدی؛سۇ ساتدی
داوارایلان چوبانی سئل آپاردی !

ائولری ونیز اولدو

باهاری پاییز اولدو

هر زادی سئل آپاردی

آق قلا دنیز الدو

بوسه :«اؤپؤش»و فروبکن :«تاخ»!

آغوش:«قوجاق»،«دَلیک»:سوراخ!

باسماق:«چپاندن »است و رُخ : «اؤز» !

انسانِ درست و راستگو:«دؤز »!

«پالتار» :لباس و کفش :«باشماق»!

«یانلیش»:غلط است و سَهو:«چاشماق» !

«آرواد» :رِِییسِ خانواده !

«آخماق »: سفیه و گول و ساده !

خر: «ائششک»و گاو :«اینک»،«کئچی»: بُز !

«قارغا»ست کلاغ و خوک :«دونقوز »!

«گئن »هست گشاد و «دار»: تنگ است !

دشنام :«سؤیؤش»،«ساواش»:جنگ است !

«قاچماق »: گریختن، فرار است !

پاییز به تُرکی: «سون باهار»است !

بازار:«یالانچی لار دوراغی »!

ایستگاه :«دوراق»و دُزد:«یاغی »!

نزدیک:« یاخین» و دور:«اوزاق» است !

غیرت سیز آدام :«ساری قولاق» است !

کِشتی :«گَمی» و« یالان»: سیاست !

شاعر: «دَلی» و« تالان»: ریاست!

«اوغلان»: پسر و «گؤلؤش» : لبخند !

نقره :«گؤمؤش» است و«اوغرو»: کارمند !

کوزه است« تیلیک»و «یارما»: بلغور !

می ایست، مَرو،بلند شو:«دور» !

ماست است:«یوغورد»و دوغ :"آیران ر!

«ماهنی» است:ترانه و «چؤرک»: نان!

در :«قاپی» و «باغلاماق»: بستن!

معنای« آتیلماق» است : جستن